Tuesday, July 24, 2007

ما طرق الحداد


كنت في مشوار بصلح كوريك العربيه أو بمعنى أصح بصنعله واحده فرحت أساسي وش نحو الحداد

وهناك...........................



كان الحداد يلحم و يطرق يسخن و يبرد و حانت مني التفاته الى الورشه فرأيت مشهدا أثار عنوان المقال

و دماغي نقحت عليه أني أكتب البوست ده



و صورت المنظر الكركب و المعقد اللي انتوا شايفينه فوق



ماطرق الحداد

يقولون بين فلان و علان ما طرق الحداد أي أنهم يقصدون أن بينهما عداوة كبيره

شغلني السؤال لماذا قالوا ماطرق الحداد و رست سفينة مخي

على شاطئ أن

يأتي الحداد بالقطعة المراد تشكيلها فينظفها و يكشطها ثم يسخنها و يبدأ بالطرق حتى تبرد ثم يسخنها مرة أخرى و يطرق و يرفع المطرقة و يهوي بها بقوة جبارة

فماذا تشعر تلك الخامة المسكينة بعد الطرق و التسخين

فهذا يدل على مدى توتر العلاقة بين الشخصين المتخاصمين

معرفش ايه اللي أنا بكتبه ده بس هو أصل كان علشان

المهم

سلام

Sunday, July 8, 2007

تحذير من منال بهي الدين

نزلت النوت دي على الفيس بوك
وانا شفت ان التحذير ده لازم يتعمم
من عند منال بهي الدين
صاحبة مدونة منال وعلاء
:تفضلوا
امسك حرامىىىىىىىىىىىىىىى
http://masaseldemma2.blogspot.com/لينك الحرامى
هذا الشخص بمنتهى الوقاحه والتبجح واخد بوستات قديمه من مدونة القطط العمياء لصاحبها جيفارا وبلوج عوليس وبلوج تياترو صاحب السعاده وبلوج غاده مع نفسى وعاملهم فى مدونه على انهم كتاباته الخاصه ولما اتهزا راح عامل كومينت موديريشن عشان ماى تعليق مش عاجبه يقوم مينزلوش اساسا ياريت اكبر قدر ممكن ينشر البوست ده عنده عشان الحرامى ده ممكن ياخد كلام اى حد فينا ويحطه على انه كتابته... يمكن كتاباتنا ماهياش اعمال ادبيه خالده بس فى الاخر كل واحد كتب حاجه من حقه انها ماتنسبش لغيره مهما كانت ضئيلة القيمه.....ياريت تنشروا الخبر بين المدونين الشخص ده لازم يبطل سرقة

Thursday, July 5, 2007

صحتي في المقال ده


الفنكوش الأعظم اللي هو أنا .. تعبان و عيان و بعطس و برشف و بتشحتف .. آآ .. آآ .. آآآتشي الحمد لله - عفوا - أنا عندي شقة برد قصدي دور برد بحاله . هي الصراحة المشكلة مش في البرد الواحد بقالة كاااام سنة بتجيله أنفلونزا و بتروح بس المشكلة في الليمون .

صدر فرمان ضدي يلزمني بأكل الليمون بقشره و ما أدراكم ما الليمون ناهيكم عن قشره اللي بيخلي وشك عبارة عن طمطماية مفعصة . وكل ده عشان الدراسات أثبتت أن الفائدة القصوى من الليمون كمضاد حيوي لما تاكل القشر مش بس العصير بتاعه

والله المستعان .. دعواتكم معايا .. آآتشي الحمد لله

سلام يا بشر