Thursday, January 17, 2008

الحياة قبل الموت

دقات قلب المرء قائلة له
ان الحياة دقائق و ثواني)

(أحمد بيه شوقي)ز

احنا دلوقتي عايشين وجايز نكون مكتوبلنا نعيش كمان شويتين طيب و بعدين؟؟
أنا لما شفت مدونة بهلول و زوجته بهلولة غفر الله لها ورحمها رحمة واسعة أدركت اني كنت ناسي ان الدنيا حياة و بعدها موت
احنا عايشين و مين عارف يمكن نموت أو نعيش الشوية اللي جايين

طيب انت بتقول كده ليه؟ أنا بقول اننا نفوق أو نتحت المهم ان احنا نراعي اننا هنتسأل بلدنا محتاجلنا و محدش هيصلحها غيرنا كل واحد لو راعى ربنا في شغلة و لقمته حالنا هيتصلح اللي احنا فيه مش السبب فيه حد غيرنا وهنتسأل لما نموت
احنا عايشين ومين عارف يمكن نموت أو نعيش الشوية اللي جايين

لو كل واحد راعى ربنا في أهل بيته مراته و عياله أخته و أمه أخوه و أبوه جده و جدته خالته و عمه و خاله و عمته المعاملة الكويسة ما بتكلفش الكلمة الحسنة بتفتح طريق بتهدي قلوب و تجمع شعوب
احنا عايشين ومين عارف يمكن نموت أو نعيش الشوية اللي جايين

لو كل واحد راعى مذاكرته و راقب نفسه ويا أصحابه يراقب اللي بيعمله و اللي بيعملوه صح ولا غلط يراقب لسانه و يراقب عينيه ومابيوديش الواحد في داهية الا اصحابه اللي بيمشي وراهم من غير ما يفكر اللي بيعمله ده صح ولا غلط من غير ما يوزن بنفسه بعقله بمعرفته لو كل واحده اهتمت بنفسها الاهتمام الحقيقي أنها تبني عقلها وتعرف الطريق اللي ماشيه فيه أو التصرفات اللي بتعملها صح ولا غلط و ماتسيبش حد ياكل بعقلها حلاوه يخليها تنحرف أو تتزمت
احنا عايشين ومين عارف يمكن نموت أو نعيش الشوية اللي جايين

أنا كتبت الكلمتين دول لأنهم طلعو مني وانا ايدي على لوحة المفاتيح أنا كنت عايز أكتب أن الواحد يتعظ بموت الناس ويدعي لأسلافه و الناس اللي ماتوا واتنسوا مين عارف هما حالهم ايه دلوقتي يمكن الدعوة اللي ندعيها تغير حالة أو تخفف عذابه ادعو يا ناس لنفسكوا و لأهلكوا وللأموات للجدود والجيران والعواجيز و الشباب للطيبين و الخبيثين لمن فعلو خيرا ومن فعلوا شرا لمن كسبوا حسنة ولمن كسبوا سيئة

وما تنسونيش من الدعا أصلي حاسس أني مبهدل الدنيا وبتوع القبر هايروقوني.

سلام يابشر سلام من السلام
سلام