السلام عليكم ورحمة الله و بركاته كيف حالكم جميعا.
أنا شاب عربي أدرس الهندسة قسم القوى الميكانيكية .. اهتمامي الأساسي يتركز في الفنكوش ، فالفنكوش من أهم مكونات الحياة فهو يوجد تحت كل حجر و وراء كل شجرة و أمام كل اشارة مرور (ان وجدت) .
يقولون أن مزاجك هو عبارة عن فنجان قهوة فما رأيك اذا استيقظت صباحا على كوب الماء (فششششششش) في وجهك....؟ من المؤكد أن فنجانك سوف يمتلئ الى النصف ، بعد الوضوء و الصلاة و اداء الماراثون اليومي للحاق بالقطار ، - ولا بد أن تركب في المقطورة الثانية - وتجد أصحابك في الانتظار تتبادلون المزحات فالفنجان سوف يقل حتى ملعقة واحدة ، و حتى تحرص على ثبات منسوب القهوة داخل فنجان حياتك فيجب عليك أن تتعلم كيف تستخدم الفنكوش ، و كما قلت من قبل (فوق شويه ) فان الفنكوش مهم للغاية .
السبب و الوسيلة :
ماذا تفعل أو تفعلين عندما يوجه اليك الدكتور الكلام بقوله " أنت يالا يا طويل يا هايف انت " فترد بكل براءة "أنا..؟" بغلظة "أيوة انت .. اطلع بره!" . كيف سيكون تصرف كل منكم؟
أنا استخدمت نظرية الفنكوش بند رقم 3 لسنة 1956 و بدون أي نقاش أو جدال عقيم نهضت و توجهت الى باب المدرج و بسرعة الزربو ملصت من باب المدرج قبل أن يتخذ الدكتور قرار من نوع -هات -كارنيهك- وندخل دوامة "معلش يا دكتور و مكانش قصدي ... الخ" . دعوني أعد بكم 10 دقائق قبل الحادثة الخاصة بي ،، زميل حصل معاه نفس الحوار... عمل نفسه عم عبده العبيط" أنا ؟؟" و ينظر خلفة ويتلفت و الدكتور يقول الكلمة الأزلية اللي بيدرسها في تحضير الدكتوراه "أيوه اللي بيبص وراه" وقام وهو بيستعجب وبيحكي قصة البراءة والدكتور سحب الكارنيه وقاله يللا مع السلامة . طيب و ليه .
التقنية اللي أنا استخدمتها ان الموضوع تم ولو وقفت على شعر ايدي مش هيتراجع عن قراره و هيسخن و يطلع نار من ودانه و أكيد شفتو ناس من دول. فأنا أمتص الغضب و أمضي في طريقي.
و ناو أي هوب تو سي يو نكست تايم (<--فلاح في المعهد الريطاني)
3 comments:
تمام الله ينور
اهو كده دئما اجد الطلاب تعالى اطلع بره
يقول ليه يادكتور
عملت ايه و يبدا فاصل من الكلام البيزانطى(الى لا يودى و لا يجيب(
و النهايه المكررة هات الكارنيه و تعاللاى فى الالمتحان الشفوى و ابقى قابلنى لو نجحت
و فى نهايه العام يجد نفسه راسب فى ماده الدكتور
و يقول هو مستقصدنى انا مجاوب
و الخيال يشتغل دا انا مش حنجح ف مادته
و حوار كبيير
و المشكله اذا انته جيت تطلع لقيت وراء البابالزميل الدود و اقف ماسك الباب عشان ميفغتحش و الدكتور فاكرك بتهزر و تعالى يا حلو
موضوع ان المزاج ده عبارة عن فنجان قهوة فده موضوع حقيقي جداً بس أحلى حاجة انك بتصحى على كوب الماء فشششششش في وجهك
أسلوبك جميل ورائع في سرد الأحداث اليومية اللي بتحصلك وشكلك كده دمك خفيف كمان
بس حلوة نظرية الفنكوش دي ..أهي هي اللي أنقذتك من بطش الدكتور
أي هوب تو كم اجين هير
تحياتي
الكلام ده حصل فعلا واحد زميلنا بيفلسع من المحاضرة وزميله بيفلسع قدامه قام زميله عاملها حركة نص و رزع الباب وراه وقفله من برا و الدكتور بص لقى المسكين بيعافر و يشد في الباب عشان يهرب وما فيش فايده و وقعت الفاس في الراس ...
أشكرك يا شمس على الكلمات اللطيفة و قريبا هزور مدونتك وعلى فكره جربي الفنكوش و هينفعك كتيير.
أي آم سو جلاد تو سي يو هير اند اي وش تو سي يو أجين
تحياتي لكم
Post a Comment