العنوان أكيد غامض و أنا معاكو لغية ماتفهموا ايه العبارة
هل يجوز لأي كان أن يستغل موقفه لمصالحه الشخصية؟
هل يجوز لذات الكان أن يستغل ذات المواقف لذات المصالح متخطيا مصالح أخرى؟
هل يجوز لذات الكان أن يستغل ذات المواقف لذات المصالح ضارا بها آخرين مهما كانوا؟؟
فما بالكم بمن يشارك الناس في أرزاقهم قوة و اقتدارا ؟؟
كان الناس على عهد الفتوات يدفعون مضطرين ولكن الفتوه كان يحمي وكان ظهيرا للمظلوم. أو هكذا عرفت
و اليوم........ ذهب الفتوات و الباشوات
وجاء
السوبر بشوات و السوبر فتوات
اليومين اللي فاتوا دول كنت بجري هنه وهناك عشان أطلع ورق الرخصة وكان لازم أطلع من القوقعة اللي أنا فيها من نهاية الامتحانات اللي هي البيت و القهوة و الكورس و أدوس في المواصلات و الميكروبازات الصفرا من والى المحجوب 3 أيام متواليات و ركبت حوالي ست عربيات مختلفين وقعدت جنب السواق في 4 مرات
- ايه يا عم الاحصائيات دي؟؟-
أقول المفاجأة أو التعبير الأوقع الصدمة
واحد تباع قال وهو بيعدي على عسكري المرور هو أنت هتتعنطز عشان الخمسة جنيه اللي بتاخدها!!! نعم؟؟
طبعا الاستفهام من عندي
مرتين و اتكرر الموضوع ... فسألت الراكب اللي جنبي قاللي ما يقهر ذوي النفوس
قاللي أن كل عسكري واقف على طول الخط بياخد من كل ميكروباص خمسة جنيه شهريا
رفعت حواجبي و فكي الأسفل اتأثر بالجاذبية الأرضيه ...... قاللي الكلام ده بجد يعني هو ممكن يستغنى عن المرتب مايلزموش
الواقعة التانية من بق السواق - نفس الكلمة و نفس الاستفسار- قاللي ده أقل واجب وممكن لو جبتله سيرة العصير - عشان كان نفسه في كوباية .. علما بأن الساعة كانت الواحدة ظهرا - يقوللي العصير عليك فعشان كده مش هاجيبله سيرة
ويحي أيحدث هذا تحت سماء مصر المحروصة حقا آن لهم أن يدعوها المهروسة
4 comments:
السلام عليكم
الواقع المؤلم دا شفته بعيني
واما سالت ما انا لازم اسال قالولي نفس الرد
بس تعرف عرفت ان العسكري في حد تاني بيقسم معاه
وان كمان مرتبه قليل قووي
يعني لو عايزين نصلح نديله حقه
_ علي اساس انه الوحيد اللي مش بياخد حقه
وبعدين بقي نفكر بياخد ليه
سيبك
او سيبها خربانه
انا مكنتش اعرف الموضوع ده خالص وبعدين مش بعيد عليهم ، دلوقت اي حد له سلطة ولو صغيره بياخد "المعلوم" من اللي اقل منه وهكذا يستمر توالي السلطات من الأكبر إلى الأصغير وكله بيمص دم كله
حسبنا الله ونعم الوكيل
ممكن لو سمحت يا كابتن
تقولى ايى المحجوب دى
اصلى معرفهاش خالص
المحجوب دى فى مدغشقر
ولا فى كينا
حبيبى
اخير لاقيت حد من المحلة فى عالم التدوين
انا بجد فرحان انى لاقيتك
بالنسبة بقى للبوست بتاعك
سبحان اللة انا برضوا كاتب عن السواقين
بس من ناحية تانية
انما موضوعك
فكرتة موجودة فى كل حاجة مش فى المرور بس
نحن الان يا قوم لا نتكلم عن اصلاح الفروع و البراعم بينما السوس ينخر في الجذع ولكننا نتكلم عن الفساد الاستاليني الذي عم أقطار البلاد فهو من مداعي الافس الشديد و ما كنت لأدعي أن مرتبه الضئيل يكفيه ولكن الحرام هو الحرام -- فالحلال بين و الحرام بين وبينهما أمور مشتبهات .
Bose
الكلام ما بيخرش النقط يازميلتي العزيزة و من رأيي أن مش الحل أن احنا نسيبها تخرب أنتي مش كنتي في المدرسة بنغني النشيد الوطني ؟؟ ماكنتيش بتحسي بحاجة بتنطط جوه صدرك قلبك مكانش بيفط ودماء الوطنية تتفجر حارة في عروقك -- يبقى انتي مصريه واللي لمصر في قلبك مش أقل من اللي في قلوبنا يبقى ازاي نسيبها تخرب؟؟؟أنهي كلام في أنهي دنيا؟؟
Shams
انتي فين يا بنتي المدونة عايشة عالقمر بقالها كتيير دا أنا كنت قربت أضبش . عموما أهلا بيكي بيتك و مطرحك.
مش فاهم حاجة
أيوه يابرنس سلام مربع للمحلاوية من المحجوب و حتى طلعت حرب و من شكري و حتى السخنيات .
بسم الشعب -اللي هو أنا- يسعدني أن أتوجه بخالص التحية لعاهل المدونة أعلاه متمنيا لسيادته دوام الصحة و العافية
وفعلا لو جربت تسأل أي سواق أو تباع هيأكد الحوار ده
Post a Comment