البتاع

هذه القصيدة للشاعر القدير أحمد فؤاد نجم
وهي تدعى البتاع

أرهفوا الآذان لتغريد الالكلام

ياللي فتحت البتاع ...................... فتحك على مقفول

لأن أصل البتاع.................. واصل على موصول

فأي شئ في البتاع .............. الناس تشوف على طول

و الناس تموت في البتاع ....................فيبقى مين مسؤول؟

وازاي هتفتح بتاع ..................... فوسط ناس بتقول

بأن هذا البتاع ................. جاب الخراب بالطول

لأن حتة بتاع ...................... جاه الغبي مخبول

أمر بفتح البتاع .......................لأنه كان مسطول

وبعد فتح البناع .................... جابوا الهوا المنقول

نكش عشوش البتاع ........................ وهد كل أصول

وفات في غيط البتاع .................... قام سمم المحصول

وخلى لون البتاع .................. أصفر حزين مهدول

و ساد قانون البتاع .................. ولا عله و لا معلول

فالقاضي تبع البتاع ....................... فالحق عالمقتول

والجهل زاد في البتاع ................. ولا مقري ولا منقول

والخوف سرح في البتاع .................... خلى الديابة تصول

يبقى البتاع في البتاع ............... و الناس صايبها ذهول

و إن حد قال دا البتاع .................. يقولوا له مش معقول

وناس تعيش بالبتاع ................... وناس تموت بالفول

وناس تنام عالبتاع .................... وناس تنام كشكول

آدي اللي جابه البتاع ................. جاب الخراب مشمول

لأن حتة بتاع .................... مخلب لراس الغول

باع البتاع بالبتاع ............. وعشان يعيش على طول

عين حرس من البتاع .................. وبرضو مات مقتول