زمن و لبن

استنى يا زماني ماتروحش بعيد
ماشي وراك عايز ألحقك و أمد الإيد
نمشي سوا ناخد فرصنا قبل ما يقف الوريد
دا أنا عايش فوسط الناس زي الوحيد
ما تقولش شد في حيلك و ابقى شديد
دي نظره وحشه تكسر فيا أملي الوحيد
مشيت أدور لنفسي على طريق جديد
يمكن أقاوم حظي النحس الفريد
و أعدي للبراح
بس لازم قبله أحقق نجاح
أكفر بيه ذنبي اللي راح
أخطي من فوق الجراح
و أمي تقوللي حوش اللبن اللي ساح
على الأرض و علينا نصه راح
سيبك من الحلم ... وخليك في الحقيقه
تكسب النهارده و بكره و كل دقيقه
و متنساش حلمك ولو راح
تقدر تجيبه المره دي و تحقق نجاح
مايفلتش من ايدك ولو جري زي الرياح

..............................................................................
يمكن ألحق فعلا حاجه من اللي راح