بلدتي ..... المحلة

اليوم الحافل : شخصيتي البطلين مفعمة بالتشويق و الترقب لما سيحدث و محاولة الاستمتاع بكل نفس و كل نسمة هواء

اليوم الحافل ... 7 صباحاً

أنزل برفقة أختي إلى شوارع بلدتي و يوصلنا أبي إلى محطة س ح م ، و نمر في أثناء ذلك بزحام شديد و عقد مرورية و نصل في وقت مناسب

اليوم الحافل 9:30 صباحاً

كم هي واسعه محطة مصر

اليوم الحافل 10:00 ص

معرض الكتاب من جديد .. تعصف الرياح و تتطاير صفحات كتب سوق الأزبكية معلنة عن يوم حافل بإعادة رص الكتب

اليوم الحافل 4:30 م

لقد كان يوماً حافلاً بالفعل... وحصلت على كتابين من إصدارات دار ليلى للدكتور أحمد خالد توفيق بعنوان ،، زغازيغ ، و فقاقيع

و عدة أعداد من سلسلة سفاري

و حصلت أختي على كمية كتب لا بأس بها بالنسبة لحمال مبتدئ

اليوم الحافل 6:30 م

حادث مأساوي نفقد بسببه 30% من مشترواتنا العزيزه

و أفقد درتي المجموعة .. كتابي د.أحمد

اليوم الحافل 8:30 م

هزهزة القطار

و أجواء مشحونة و كلمات متوترة مليئة بتبادل الإتهامات بالإهمال بين الشخصيتين

اليوم الحافل 9:30 م

يالها من قرية صغيره هادئة ، لكم أود تقبيلك يا محلتي العزيزه

اليوم الحافل 00:00

ZzZzZzZzZzZz

اليوم المفتوح : أجواء التكيف تعم شخصيات الأبطال مع شيء من الغضب من النفس ومن الآخر و محاولة نسيان الماضي

اليوم المفتوح 10:00 ص

إفطار سريع

اليوم المفتوح 10:30 ص

دور استميشن أون لاين مع والدي في أجواء من المرح و التعليقات الخفيفة

اليوم المفتوح 11:20 ص

مقابلة مع رب العمل و انطلاقه لموقع الإنشاء

اليوم المفتوح 12:15 م

يا عبدووو انجز الشغل مش هنعد طول النهار نتكلم وندلعالشغل عايز يخلص

اليوم المفتوح 2:10 م

هتمشي يا هندسة ؟

لأ هستنى لما يخلصوا الجزء ده الأول

اليوم المفتوح 3:30 م

ها ايه الأخبار

الحمد لله تمام

اليوم المفتوح 9:00 م

أنا خارج يا ماما

على فين ؟

هتمشى شويه و أروح لأختي

طيب ما تستنى نروح بكره سوا

أروح النهارده و نروح بكره سوا

ما تتأخرش

حاضر

اليوم المفتوح 10:30 م

أهلا يا حبيبي ازيك عامل ايه

الحمد لله بخير .. و أنتي أخبارك ايه

كويسه الحمد لله ...... أدخل

اليوم المفتوح 12:10 ص

لازم تروح بنفسك عشان تتعرف على الحاجات

بس هسافر كده ... تفتكري دي فكره حلوة ؟

أيوه

دور لي على كتاب .....معاك

أوك

اليوم القاتم 1:00 ص

يلا اتعشوا سوا

اليوم القاتم 2:10 ص

أنا أروح بقى

ليه ؟

النوم العظيم

لأ تبات عندنا بقى

أصل كان علشان

هنه أقرب عشان سفر بكره

طيب أنا معييش جنود Troops

هنظبطك من هنا

طيب أنا لسه معييش تصريح السفر ، بتاع الكارته مش هيعديني

ههههههه هجيبهولك بالتليفون

اليوم القاتم 2:45 ص

خخخخخخخخخخخخخخخخخ

zzzzzzzzzzzzzzzzz

اليوم القاتم : يخيم الوجوم و الترقب على شخصية البطل في حين أنا باقي الشخصيات مفعمه بالأمل

اليوم القاتم 8:00 ص

قوم يابني عشان تلحق

ايه ،، مين ،،، ممم ،، صباح الخير

اليوم القاتم 8:05 ص

مش هاتفطر

لأ بطني بتبقلل

طيب هتعمل ايه ؟ ماينفعش ما تفطرش

هبقى أجيبلي فطير من الفرن أفطر بيه بعدين

اليوم القاتم 8:30 ص

يصلنا الآن على رصيف طنطا قطار رقم 731 .. اكسبريس وارد سريع دمياط قايم سريع القاهره ، يقف بمحطات ،، محلة روح ، طنطا بنها ، شبرا الخيمه و أخيراً القاهرة

اليوم القاتم 8:40 ص - 10:20 ص

يعتمل في رأس البطل الكثير من الخواطر و الأفكار يتخللها نظرات خاوية لجيران كرسيه و تلك المرأه التي لا تكف عن النوم و كأنهم أفهموها أن هذا هو خط الصعيد ، و أن الصعايده ينامون جالسين

اليوم القاتم 10:40 ص

هواء القاهرة مرة أخرى ، ولكن هذه المرة .... وحيداً

حلوة يا بيضا ، حلوة يا قُراااص

....

صلاح سالم و المعرض ، صلاح سالم

اليوم القاتم 10:50 ص

خشو جوه ياحضرات العربية فضت أهيه

اللي نازل المعرض يجيلي قدامعالباب كده

اليوم القاتم 11:00 ص

المعرض مرة أخرى ولكنه يعج بالزوار هذه المرة

الكيسة دي فيها حاجه

يفتح الكيس بما يسمح لفرد الأمن برؤية الكان و الفطير و هو يتطلع لذلك الفضولي الناظر إلى داخل الكيس

اليوم القاتم 1:00 م

يصطدم البطل بصخرة الواقع و يتألم بعنف

اليوم القاتم 2:00 م

يقذف البطل بأجزاء الفطيرة التي اختارها ليأكلها داخل فمه ، مع صب بعض الكولا داخل البلاعة التي تدعى فمه دون أي استمتاع بالفطير الرائع و لا بطعم الكولا التي لم يشربها من زمن

اليوم القاتم 3:00 م

يقرر البطل إنقاذ ما يمكن إنقاذه ، و يعيد شراء بعض الكتب التي فُقِدَت

و ينظر بحزن و ألم ناحية مدخل دار النشر التي تضم الكتب التي عشقها من أول نظرة ولا يتحرك ناحيتها بل يمضي كالمسرنم نحو سيارة النقل المجاني لزوار المعرض

بوابة 4 و 5 و صلاح سالم ؟

أيوه

اليوم القاتم 3:05 م

يتجاذب أطراف الحديث مع مسؤول دار النشر الجالس جواره و ينتهي الحديث ببعض المجاملات ثم الوداع

اليوم القاتم 3:25 م

رمسيس و آخر يا جماعه

اليوم القاتم 3:30 م

عندك محمول ؟

أيوه

ألو ، أيوه ياماما أنا قدام المحطة و جاي أهوه

أنا مروح بقى يابن خالتي

على طول كده ؟

معادليش عيش في البلد دي ... المرة الجاية تكون أظرف إن شاء الله

ليه كده بس

البلد بتكرشني يا عم

خير يا عم ربنا يعوضكو

الحمد لله

اليوم القاتم 4:00 م

ينزل البطل إلى نفق المترو ليشاهد الجموع الغفيرة المتدفقة تحت المدينة و يفتقد الكاميرا لتسجيل اللحظة

اليوم القاتم 4:45 م

القطار رقم 641 اكسبريس المنصورة يقوم من على رصيف 2

اليوم القاتم 5:30 م

يسرح في المشاهد المتتاليه في النافذه ، و يسلم أمره لله ،،

أيوه شاي شاي شاي

واحد شاي زياده يا

لسه ربع جنيه

اليوم القاتم 6:00 م

ينتقل من عربه لأخرى بحثاً عن إضاءة و جو نقى من دخان السجائر

اليوم القاتم 6:30 م

يبتسم لما يقرأه في كتاب ساخر للكاتب عمر طاهر حصل عليه من المعرض

اليوم القاتم 7:00 م

يعانق هواء المحلة الكبرى ، و يحس كم هي قرية بالمقارنه بالقاهرة و كم هو هادئ شارع البحر مقارنة بكوبري 6 أكتوبر و كم هو محبب منظر الكوبري السفلي و النهر الخالد هناك ..

اليوم القاتم 7:15 م

حمد لله على سلامتك

قلقتنا عليك

معلش التليفون فصل شحن

اليوم القاتم 00:00

خخخخخخخخخخخخخخخخخخ

zzzzzzzzzzzzzzzzzzzz