أنا كنت في الضلمة لا بيا بس عليا
و فاكر النور حلم أو أمنية
و النور موجود بس أنا اللي قافل عنيا
ولما قربت منه ملسعنيش .. طبطب عليا
و ايدي فـ ايده و الطاقة تسري فيا
و أبص ورايا ألاقي الضلمة جامدة و قوية
ما هتسبنيش في حالي و أنا مفتح عنيا
بس أنا مش هغمض ... و لا هفرحها فيا
هفتَّح و أنوَّر .. و الضلمة عندي ملهاش ديه
احساس جديد .. قرار جديد ...عام جديد .. و عزم جديد
وعلى قدر العزمِ تأتي العزائمُ
و تحية موجهة لـصيدلانية مطحونة على الصبر و الإصرار و المساندة ... تسلمي
6 comments:
أعلم أن الظلام كالغول ينتظر لحظات الضعف ليغلق فكيه على أحد أطرافك
بس مادام النور وصل جوه....يبقا الضلمه مصيرها تدخل فى طابور الذكريات
أحلى حاجة فى الدنيا انك تحس ان ربنا موجود معاك....و أحلى حاجة برضو انك تحس انه زارع فيك اراده مش سهل تقهر
ربنا يعينك دايما....
تحية ليك أنت على العزم الجديد
تسلم :))
آآآآمين
... بجد بشكرك على المساندة دي ،، ناس كتير قالو كلام مش لوم و عتاب بس كلامك كان أسلوبه مشجع على غير العادة - في مثل هذا الموقف-
تسلمي
أجمل حاجة يا فنكوشي العزيز إنك قدرت تشق طريقك للنور في وسط طريق الضلمة المليء بالأشواك.. حمد الله ع السلامة .. بس عجباني أوي إحساس جديد وعزم جديد وقرار جديد وعزم جديد .. ربنا يوفقك
ازيك فنكوش اخبارك اية
اهم حاجة الخروج من الضلمة
خليك فى النور ديما
ربنا يوفقك ويكرمك
مع خالص تحياتى
هبة
آآمين يارب
تسلمي
مستر/تامر
بإذن الله .. ألف شكر
تسلم
ما هما ما قالوش اسأل مجرب من فراااااااااااغ
:))
حمد الله على السلامة نسيت أقول ان الكلام حلو أوى
Post a Comment