طب و بعدين !؟

ممم .. المرة دي مكتبتش ولا حضرت حاجه ، من الفرن إلى المائدة كما يقولون .. كنت محضر كلمتين من كام يوم عشان أنشرهم بس كانوا دسمين حبتين .. و الموقف ما يسمحش أقعد أكتبهم ، و في عاصفة و رياح خماسينية تعصف في جنبات رأسي .. فقلت اديها ما تحرمهاش

يا أخي الانسان ده عليه حبة أجهزة .. يعني لما آخد فكرة ما عن طريق أي شيء .. تلف لوحدها كعب داير على كل ملفات مخي و تهري و تروح و تيجي ، و ترمي على مكتب راسي كل المتعلقات بالفكرة دي .. لما تبقى الفكرة زفت .. محطة خلط الأسفلت كلها تطلع على المكتب ، و لما تبقى الفكرة ربيع .. تحول المكتب لحديقة فنانة مرهفة الحس .. و على قد ما الموضوع ده بيساعد في حالات التفكير العملي و العلمي ، على قد ما بيغم في حالات المشاكل و الكهربة .. و بالبلدي كده ... أنا متنيل مغموم

خدعوك فقالوا كلية هندسة كلية عملية ...الأوائل عندنا في الكلية ( حفيظة) و فكك من أي هري أي حد بيضحك عليك بيه

some times I feel like (Jim Carrey) in (yes man) auditing my life .. some other times I enjoy auditing life in general while staying still .. that relaxes me some times , and some times it kills me !!

Ich habe ein neu freund, er spricht Deutsch so gut , es freut mich so viel :)

أحلى احساس في الصحوبية .. أنك تحس أن اصحابك خايفين عليك و بيدوروا عليك قبلك ، و أنك بتفكر ازاي تريحهم و تساعدهم و تقصر ليهم المشاكل قبل ما تحصل .. و ربنا ما يورينا أسوأ ما فيها

نظرية الفرص الضائععة أو ( نظرية الفرص البديلة ) زي ما دكتور الإقتصاد قال لصاحبي في تجارة معلقاً لى المصطلح الأول أنه غلط و أننا بتعلم غلط في الثانوي و يخرب بيت التعليم المجاني و كلام من ده .. المهم - بيت القصيد - ان النظرية دي حاشرة نفسها في مناحي كتير أوي من حياة الإنسان .. عشان تكسب حاجه بتسيب قصادها حاجة ، و ياسلام لو أنت عايز الحاجة اللي هتسيبها .. تتحشر بين فكي الرحى .. و تسحق كما السمسم

في بعض الأحيان تكون علاقتك بمن تكرههم أبسط و أكثر تحديداً و راحة من ممن تكن لهم بعض المشاعر أو تهتم لأمرهم .. فهؤلاء تتطور علاقتك معهم شيئاً فشيئاً حتى تتعقد ككرة صوف نظمها أقل أهل الأرض مهارة و لعب بها أكثر قطط الأرض مشاكسة حتى تكون كصخرة بلال و تود لو عادت الأمرو لسابق عهدها من بساطة و دعة

الأطفال .. النمو .. الكبار و المرض .. تقدم السن و تكوين الجسم و العقل أشياء على طرفي نقيض .. و تجمع الكثير من أوجه التشابه .. إلا أن الأخير يدعو إلى البهجة و السرور و الأول يدعو الى الحزن و الكآبة

لقد نسيت كل ما يتعلق بـ واو الجماعة و مثيلاتها من الضمائر .. أنا أتعس نحوي هاوي على وجه البسيطة

و على رأي المثل .. ان كان حبيبك عسل .. لازم تكون بلاص ( عشان تحتويه ) و قال ايه أنا غلطان اني معنديش اصحاب كتير ، و أنا ايه اللي يجيبني عند راس الكلب و أشمها

.......

أي ألف مفقودة أو عين مفقودة أو زائدة فهي لوحة المفاتيح اللععينة