كان هذا عنوان فصل في كتاب (المجتمع الجديد أو الكارثة) للدكتور زكي نجيب محمود .
كان المؤلف في هذا الفصل يتحدث عن طبقات المجتمع وما اللذي أدى الى تسميتها هكذا و ماهي الفوارق الحقيقية بينها وهل من الممكن أن نقول أن الفوارق قد زالت؟؟
وقد ذكر أن الكلمة الانجليزيه classes تترجم فئات وليست بالضرورة طبقات يعلو بعضها بعضا و أنه قد أخطأ الترجمة فقادنا الى هذه التسمية و هذا الاعتقاد.
فالطبقات أو الفئات يمكن تصنيفها حسب الوظيفة ... فهل المدير بالضرورة من طبقة أعلى من موظف الشؤون العامة مثلا من الممكن ولكنه ليس بالدقه المطلوبة --- نتحول الآن لمكان المعيشه فهل قاطني سان ستيفانو أعلى طبقيا من ساكني بكوس ؟؟ ليس بالضروره -- نأتي الى المستوى المادي فهل الغني طبقة عليا و البسيط طبقه دنيا ؟؟ فماذا عن تاجر الفاكهة في سوق التلات اللي ربنا كرمه و بقى بيستورد و عنده فيلا و مرسيدس يبقى طبقة أعلى من الباشا اللي الثوره خدت فلوسه و بقى حاله بسيط ؟؟ فالموضوع زي ما انتو شايفين حدوده هلامية و مش محدده و وصل المؤلف في النهاية لأن الفارق الأساسي بين طبقة و أخرى هي الأيدولوجيه . أو أسلوب الحياه .
فالطبقة العليا تجدهم يتعاملون بأسلوب راقي على حسب ما تم تربيته . و كذلك باقي الطبقات .
و عن الطبقة المتوسطه قال أنها تكاد تكون الوحيده المحافظه على التعاليم الاسلاميه السليمه و الحجاب كمثال فليس لها تسيب الطبقه العليا و لا لامبالاة الطبقة الدنيا . أما الطبقه الدنيا فمثلا لا يجد أحدهم أن التجشؤ و سط المجموعة من قلة الذوق في شئ.
و اذا و ضعنا ثلاثة شخصيات من طبقات مختلفه في ذات الموقف فسيتعامل كل منهم مع الموقف على حسب قيم مجتمعه.
و الان هل ذابت الفوارق الطبقية بالفعل ؟؟ و هل بني ادمين ربنا تعرف تتعايش مع بعضها بدون فوارق؟؟
تعقيب :
كنت بقول البقين دول لواحد صاحبي واحنا مروحين و بعد ما خلصت ( تششش طك ) - القطر وقف في المحطه - قاللي : يعني احنا هنستفيد من الحوار ده بايه ؟؟! تقدروا تقولوا لي .!!
5 comments:
الفوارق الطبقية موجودة وستظل موجودة إن لم يكن على أرض الواقع ستظل موجودة في النفوس لأن كل نفس بشرية تحب تحس انها اعلى واحسن من اللي قدامها فالغني عمره ميتخيل نفسه متساوي بالفقير ولا المسئول الكبير عمره يتخيل نفسه واقف في طابور عيش زيه زي المواطن الغلبان حتى لو اتعملت ثورة الجماعة دول هيحسوا بالاضطهاد ويبدأو يتعاملو مع الناس من عل وبتكبر
لكن الموضوع لازم يتغير بالنشأة أثناء التربية لازم نعرف الطفل من صغره ان جميع أبناء آدم متساويين كأسنان المشط لا يميز أحدهم عن الآخر إلا الأعمال الصالحة .. ده من ناحية .. من ناحية تانية ان كل واحد بيبذل مجهود لازم يتكافئ عليه أو يكون متميز علشان الحاجة اللي بيعملها متميزة يعني مش معقول نساوي بين واحد بيشتغل وواحد مش بيشتغل في حالة لو فرص العمل متكافئة .. منقدرش نساوي واحد متعلم بواحد مش متعلم في حالة لو فرص التعليم متكافئة وهكذا
أما بقى الأيدولوجية اللي الواحد مننا عايش بيها فده فعلاً زي ما د.زكي قال انها بسبب البيئة اللي الواحد ده طلع منها أو التربية اللي الواحد اترباها واللي هيوضح الموضوع ده أكتر المثال اللي ضربه الدكتور لما قال "إذا وضعنا ثلاثة شخصيات من طبقات مختلفة في ذات الموقف" فعلاً .. كل واحد هيتصرف أو هيكون موقفه مختلف عن الاتنين التانيين
وفي النهاية شيء جميل جداً إنك تقرأ للدكتور زكي نجيب محمود .. أنا شخصياً من عشاقه
أما صاحبك ده بقى ففي حاجات تانية شاغلة دماغه .. متشغلش انت بالك وخليك زي مانت عايز واقرأ زي مانت عايز واتكلم في اللي انت عايز تقوله .. وميهمكش حد
سلام يا فنكوش
ألف ألف شكر يا شمس على الدعم المعنوي الرائع ده أنا حاسس أني فعلا بقول كلام كبير ...
وبالضبط هي التربية اللي بتفرق و أنا فعلا لو ماكنتش اتربيت بالطريقة اللي انت حكيت عنها ماكنتش أقدر أتناول الموضوع ده بالحرية دي.
كمالة الموضوع : أن د.زكي قال انه مابيحبش يطلق على الطبقة الوسطى برجوازيه لأن في كثير من الناس حولوها الى ما يشبه مقلب قمامه لجميع الأخلاق المنحلة و غيرها ... وهذا كما نعرف جميعا ليس بالأمر الصحيح.
لأ من رأي ان مش كل الأفراد في كل الطبقات تقدر تتعايش مع بعضها عادي
في ناس متعرفش تتعامل غير مع ابناء طبقتها و غير كده تلاقيه مش مرتاح في المعامله
نيجي بقي لأن الطبقات دابت من رأي برضو ان لأ
هو بس حصل حاجه غريبه ؛ زمان كان العادي انك تلاقيه ابن الطبقه الدنيا بيقلد العليا علي اساس انه بيحاول يرتقي
دلوقتي تلاقيه ابن الطبقه العليا هو اللي بيعمل نفسه بيئه علي اساس ان ديه الروشنه ؛
بالنسبه للطبقه الوسطي كنت سمعت انها اختفت فبقي الناس يااما اغنيه اوي يا فقري اوي
من المنظور العالمي .. أيوه الطبقه الوسطى البرجوازيه المثقفه المتعلمه اللتي تقوم عليها المجتمعات فعلا اختفت !!! بس بمقاييس مزر المهروزه احنا مازلنا هنا .
والهايف بتاع الطبقه العليا اللي عاوز يتروشن بياكل تريقه و مقالب للصبح من بتاع الطبقه الدنيا .
وبتاع الطبقه الدنيا و الوسطى أدرك أنه مش عاوز يبقى زي قارون فقاللك أعيش عيشة أهلي و أبقى في مكاني الطبيعي أحسن .
و فعلا أنا رأيي الخاص أن الفوارق لسه موجوده و أكبر دليل أن الجواز من طبقتين مختلفتين مستحيل في العاده و النماذج الناجحة تعد على الأصابع .
السلام عليكم ورحمه الله
عرض رائع لفكرة الكتاب عرضتها باسلوب رائع
خصوصا اما انهيت بالفكره
اللي وصل ليها الكاتب بصراحه عرض ممتاز
الاختلاف فعلا في الايدلوجيه او اسلوب الحياه
ممكن اعرف دار النشر بتاع الكتب لان بجد عند فضول اني اقراه
اما صاحبك فاعتقد ان رايه ان الفوارق موجوده ومقدرش يوصل للنتيجه اللي وصلها الكاتب
وهي ان الفرق في اسلوب الحياه وطرق
التعامل
وبعدين انت ماشاء الله اختر المكان المناسب بصراحه القطر وتكلمه عنا الفوارق الاجتماعيه كويس اصلا انه رد
مدونتك جميله وربنا يوفقك
Post a Comment