ياخبر جوه القطر ؟؟؟ مش معقول
اه والله .............. المفترض و المفرود أن التدخين ممنوع جوه القطر و بيتعمل عليه محضر و غرامه ..... طيب خدو دي
المكان قطر درجة تالته
الزمان 8:10 صباحا
يظهر القطر مزدحما بالموظفين و الطلبه و العمال و الكمساري ورب كعبه برا العربيه و هناك حشد من البشر في ممر العربه واقفون يهتزون مع هزات القطار .
توووووووووووووووووووووووووت
سبعة طلبه يتحدثون و يتبادلون النكات و يتضاحكون يجلس ثلاثه منهم أ و ب و ج وجلس أ على الطرف وعلى يساره ب و على يسار ب يجلس ج يدعو ب ثلاثة شخصيات أخرى د ، هـ ، و ليجلسوا على أرجل التلاته و يبدأ ب في اخراج الفاكهة المحرمة و يطلب ورقة ثم يطلب من ي ليجلس - صف تالت - بين اتنين فيدفن ب تماما ليباشر اخراج الحشيش و تحميته على الولاعة و يلف سيجارة حشيش و يشعل و يخمسون جميعا في المصلحة و هم سعداء.
لا أدري ماذا حل بمصر حتى تكون بهذا الشكل المزري و يجعلوننا نتكيف معاهم بالغصب لم أملك الا أن أبتعد لأستنشق الهواء على باب القطار لأجد أحدهم بجواري وقد لحظ أنتي قد تابعت القصه فيقول لي " أنا اتخنأت "
حسبنا الله و نعم الوكيل.
5 comments:
الموقف مؤثر فعلاً يا ماكس .. بس لو انت عايز تعمل حاجة .. هتعمل ايه غير انك تبعد وتسيبهم يتكيفوا .. مين اللي هيمنعهم ؟؟؟؟؟؟؟
بس الصورة معبرة .. شكله مقبضهم عشان يلقطوا له الصورة دي وهو بيدخن جوه القطر
تحياتي .. سلاماتي .. احتراماتي
الصراحة أنا بأسف على الحال اللي وصلناله و لو كلمته أول بقين هيقولهم
"أيوه يابا لك شوق في حاجه ياكابتن ؟؟"
وبالطبع أنا مش هيبقى لي شوق في أي حاجه مع الناس دي أحسن حاجه خف تعوم
و أشكرك يا شمس على المرور الكريم.
للأسف بلدنا أتدهورت في كل شيء
واولها الأخلاق
ده شئ مؤسف طبعا بس مؤكد أننا نقدر نغير لو احنا رفضنا و ما استنيناش المسؤول أو غيره..
ولا أنا غلطان؟؟!!
مشكوره يا مكسوفه على المروور
السلام عليكم
اللي بيدخن في القطر بعملوا ليه محضر
وطيب واللي بيلف
بيعملوا فيه ايه
يلا اللي يعيش ياما يشوف
Post a Comment