بحثت كثيرا علي أجده ... وجدت الكثير و الكثير و لكنهم بلا استثناء إنذارات مزيفة و تجارب فاشلة بحثت عن شخص يصلح أن يقال عنه صديق حميم يتوافق معي أحس أني معه دوما لن أنساه ولن ينساني مشكلتي الجمة أني أقف مع هؤلاء لفترة ثم أتركهم و أقف مع أولئك ألقي السلام على هذا و أمازح ذاك ... ليس هناك من أبحث عنه و يبحث عني وكأن الدنيا عجزت عن إيجاده و عجزت أنا عن الاستغناء عنه حتى مللت البحث و سئمت الانتظار ولم أقف نفسي على أحد بعينه .
تكيفت على أن أكون وحيدا كما تعودت أن أكون . أتفاعل مع من حولي على أنها أشياء مؤقتة أهرب منها بعد فترة إلى مجموعة أخرى وفكر آخر .
أتقلب كتقلب الجو بين فصلي الشتاء و الصيف يتقلب معها كل شيء . شكلي تذوقي موسيقاي ملابسي كل شيء .
قالوا لي كثيرا انك غريب لا تبقى على حال متقلب المزاج و الأهواء . أستمع لموسيقى هادئة وبعدها وفي ذات القائمة توجد الموسيقى النحاسية و الرومانسية و بعض الراب ولا مانع من تواجد بعض السيمفونيات كلها في وقت واحد أحس معها بارضاء كل ما أريد و أظهر أمام أي شخص كمن يفعل ما يريد وقتما يريد بلا حدود من العرف أو كلام الناس . و أنا مرهق نفسيا لا أملك لنفسي المساعدة . أود البقاء و الاستقرار على حالة واحدة على صديق واحد على نوع واحد من الموسيقى ولكن هيهات فذلك يأبى الحدوث و أتعلل بأن التغيير مطلوب ولولا الإزعاج لما أحببت الهدوء ولولا القبح لما أدركت قيمة الجمال . و على هذا أسير ...
11 comments:
الحياة مليئة بمواقف مختلفة في ايقاعاتها
منها الهادئ ومنها الصاخب .. منها الرقيق ومنها الغليظ
وبالتالي زي ما انت بتحتاج موسيقى مختلفة حسب المود اللي انت فيه .. لازم تتعلم تماما انك هتحتاج انواع مختلفة من الناس حسب المواقف اللي هتتحط فيها
هتحتاج الصنايعي وهتحتاج العالم
هتحتاج ابن البلد الجدع وهتحتاج الناس الشيك
وكل ميسر لما خلق له
اذا كان على الاحتياج فده موجود سواء شئت أم أبيت ، ولكن أنا مش عايز اللي يحكم تعاملي مع الناس احتياجي لهم ، بحاول أفكر أعلى من كده ، بس لسه مش قادر أوفق الكلام ده على الطبيعة ...
تسلم
أنا عايز نرجع نكمل اللعبة
إيه رأيك؟
مشمش
أنا حاولت أتصل بالمشاركين فيها من فتره ولكن لم أتلق اجابات بعد
بالطبع أوافق ،
طب أول خطوة نشوف مين ممكن يشارك , حتى لو ناس جديدة مفيش أى مشكلة
ثانى خطوة نحدد أدوار و ياريت كمان لو نرسم خطة عامة لشكل اللعبة و سير الأحداث
انت إيه رأيك؟
و مين قال انه تناقض أنت بس نفسية قلقة لا تثبت على حال زى ما قلت......أنت ممكن تكون بتدور على نسخة تشبهك بدرجة كبيرة....و دى صعب تلاقيها جدا...أحيانا التشابه الشديد بين اتنين يعنى اختلاف شنيع يعتمل تحت السطح لأن ممكن يكون واحد فيهم ببساطة بيتصنع
الصراحة مش عارفة أقولك كلام من اللى بيرفع المعنويات ده....أصلى أنا كمان نفس الخرابيط دى
بس أقولك على حاجة يمكن تنفعك فى ناس بتقدر تستشعر اللى قدامها عامل ازاى و محتاج لايه....و فى منهم كتير جدا بيحبوا اللعب بعقول و أحاسيس اللى قدامهم مهما كان مسماهم بقا سواء أصحاب....معارف....أحباب...أيا كان
أهم حاجة تعرف تاخد بالك من نفسك مهما كانت حالتك النفسية
ملحوظة على جنب:أنت مش مجنون....أنت مختلف حبتين
تحياتى و سلامات
مشمش
ابعتلي عالميل
max.adams88@gmail.com
عشان نظبط العمل ،، و عرفني انك مشمش
صيدلانية مفحوته
البوست ده طلع على الورق من كام شهر كده و ماعرفتش انشره لسبب او لاخر ، بس الفترة اللي عدت بعده و اللي حصل فيها ، اداني شكل تاني لما قريته مختلف عن اللي كتبته بيه ، يعني الأول و دلوقتي برضو الحالة موجوده بتاعة التنطيط ، بس في شخص أو اتنين بسأل عليهم باستمرار و بيسألوا عليا ، و في نفس الوقت ، بحس أن الرغبات الدفينة مختلفه أو الأسباب و الدوافع
What makes us tick
مختلف ،، ممكن نكون بنعمل حاجات متشابهة و بنفكر بشكل متقارب ، بس حكاية الدوافع دي بتخلي تفسير العمل غير مقبول أو غير منطقي للطرف الآخر ، - الكلام بدأ يكلكع بس ما ينفعش ما اكملش - فبدأت تتكون فجوه ، هي لا بتكبر و لا بتصغر ، زي ماهي من ساعة ما ظهرت و بالطبع لو الفجوه دي اتكشفت حتى لو تقبلناها بموضوعيه مش هيبقى في تلاحم بين الطرفين زي الأول ، المشكله تكمن أن الفجوه دي أنا بس اللي شايفها ، و ما ينفعش أقول عليها ،، مما يتسبب في شعور يشبه الوحده فـ وسط الناس
عشان افك الشفرة اللي فوق دي ممكن أعرض الموقف ده ،، في واحد محتاج مساعده ، أيا كانت المساعده ، و الطبيعي انها هتستهلك مجهودا ما ووقت ما قل أو كثر ، و الاتنين ممكن يعملو المساعده دي عن طيب نفس ، ولكن ،
الأول بيعملها من منطق ان اللي ما تحتاجش وشه بكره تحتاج قفاه ، أو أيا كان اسلوب التعبير
و التاني بيعملها من منطق انه ده بني آدم في زنقه و ما ينفعش يتساب لأنه هتحصل له مشاكل و مفيش حد تاني يساعده
لو ركزت شويه بلاقي ان في واحد بيتعامل بمبدأ فووق أوي و التاني بيتعامل بمدأ تحت ،، حتى لو ماكانش الشخص الأول شرير أو مصلحجي بس طريقة وزن الأمور دي بتأثر بشكل أو بآخر في القرارات المصيرية و اللي على نطاق أوسع
أما عن الناس اللي بيتلاعبوا بأحاسيس الناس فده أنا شفته بيحصل قدام عيني و بين اتنين اصحابي ، الواد عنده مشكله و مش عارف يحلها ازاي و عامل زي الغريق متعلق فـ قشاية و التاني بيلعب بيه و يقول اعمل كذا ، و التاني يعمل و ده يقعد يضحك عليه و اللي كان غايظني من الاتنين ان الأولاني ماكانش مصدق الحل اللي بقولهوله مع انه هو الصح و ماشي ورا التاني اللي بيلعب بيه ، و أقول للتاني بس يابني الواد في مشكله و مش حمل تهريج ، وهو ولا سامعني ،، و فطساان من الضحك
بالذمة مش حاجه تفلق
و عشان آخد بالي من نفسي الحمد لله لقيت خنه حلوه بتظبط العمل كل ما الأمور تنحرف عن المظبوط
........
ما اضمنش حكاية المجنون دي ،،" في كل مصحه هناك براد شاي واحد فقط ، و مديرو المصحات لا يجدونها مشكله طالما أنه لا يحاول وضع نفسه على النار " و بالطبع ليس من المعقول أن يكون كل هؤلاء برادات شاي و أنا العاقل الوحيد بينهم ، فقط لنأمل أن الجنون شيء جميل في هذا الزمان
أنت مختلف حبتين
أول ما قريتها قريتها متخلف ، و قعدت أضحـــك ، انتي عرفتي منين اني شايل مواد :)
معلش الرد كان أطول من اللازم بس الحمد لله انها جت على قد كده
تسلمي
بشمهندس يا مراكبي
قرأت كتاب مؤخراً للإمام أبي حامد الغزالي ، اسمه بداية الهداية ، بيصنف في نهايته الأصحاب و كيفية التعامل المثلى معهم فقال
ان تكون مخالتطتك مع شركائك بقدر خصالهم ، بأن تعلم ان الاخوة ثلاثه
1- أخ آخرتك فلا تراع فيه الا الدين
2- و أخ لدنياك فلا تراع فيه الا الخلق الحسن
3- و أخ تستأنس به فلا تراع فيه الا السلامة من شره و فتنته و خبثه
و الناس ثلاثه
أحدهم مثل الغذاء الذي لا يستغنى عنه
و الآخر مثله مثل الدواء يحتاج اليه في وقت دون وقت
و الآخر مثله مثل الداء لا يحتاج اليه قط ولكن العبد قد يبتلى به وهو الذي لا أنس فيه و لا نفع ، فتجب مداراته الى الخلاص منه، و في مشاهدته فائدة عظيمه ان وفقت لها وهو أن تشاهد من أفعاله ما تستقبحه فتجتنبه
فالسعيد من وعظ بغيره ، و المؤمن مرآة المؤمن
انتهي كلامه قدس الله سره
لما قريت تعليقك تاني اغتكرت الكلام ده فحبيت اشاركه
تسلم
لا تدع مهمة البحث عن صديق هدف لك فسوف ينتهي بك الحال إلى البحث عن نفسك .. استمر كما أنت مع كثير من الحذر حتى تستطيع تمييز الغث من السمين من الأصدقاء .. استمر في اختلافك فهذه هي ميزتك التي يعشقها جميع من يحبك بصدق .. تحياتي ومحبتي
هبه
ابقي تعالي انتي ما بتجيش ليه
Post a Comment