نظراً لأني أملك حشداً من الأفكار التي أريد الكتابة عنها ، و في ذات الوقت ( ذات ذاته على رأي كبير الروايسة " في محطة مصر " ) فأرى ... تؤ كفاية كده مقدمة
من سنتين أفتكر كلام قرأته في كتاب تحليل خط اليد لـ Ann Mahony أن اللي بيكتب على ورق أبيض - غير مسطر - عنده قدر من الجرأة و اقتحام المجهول في حين أن الشخص الذي يضع ورقة مسطرة أسفل البيضاء ليكتب على هدى السطور ، فهذا شخص يفتقر للأمان بعكس السابق الذي يقتحم الورقة البيضاء ليبدل نصوعها حبراً مسطراً .. علاقة الكلام ده بي .. أني كنت مبعرفش أكتب على ورق أبيض قبل كده نهائي .. فكنت بستبدله بورق عرايض .. السنة دي و من يومين بالضبط ، ورق العرايض بتاعي خلص و اضطريت أستخدم ورق طباعة كان عندي فأخذت منه حبه و رحت الكلية .. و هناك اكتشفت ان الصعوبة اللي كنت بلاقيها في الكتابة على البياض .. مش موجوده و إن ده بقى عادي جداً زي أي ورق .. :)
الموضوع ده بين حاجات حصلت في الفترة اللي فاتت بشكل واضح و صريح و جاوب على سؤال كنت بسأله لنفسي و أنا بقرأ الكتاب اياه .. يا ترى لو شخصية الانسان اتغيرت هل خطه هيتغير عشان يتواءم مع الشخصية الجديدة ؟!!
و كانت الإجابة صريحة و عملية جداً ..
5 comments:
أنا نفسي أعرف ليه أم الألوان ما بتطلعش فأم البوست ؟؟
ازيك ياصاحبى
اخبارك اية
تعرف عن دلوقتى لابكتب على مسطر ولا ابيض على الكيبورد وبس
الوان اية دى اللى بستال عليها
مع خالص تحياتى
أنا اندمجت جداً معاك والله يابني .. وخلتني أسأل نفسي نفس السؤال لأني لقيته منطقي أوي وبصراحة أنا شايفة ان خط الواحد فعلاً ممكن يتغير على حسب شخصيته .. أنار الله طريقك يا فتى
Tamer Nabil
أنا الحمد لله بخير ،، الدنيا ماشية أهيه و ما بتعتقش ههه
لقد تحولت أنت تماما الى الالكترونية .. بس أظن أن الورق و القلم هيفضلوا موجودين و لهم استخدامهم رغم التطور التكنولوجي الهائل ده .. :)
الألوان لحروف الكتابة .. مهما حطيت ألوان كله بيظهر اسود بعد النشر :(
شرفتني
Heba
من حيث أن خط الشخص بيعبر عنه .. فدا العلماء فسروه بأن الخط زي رسم مخ للإنسان بيظهر فيه كل انفعالاته الاجتماعية و الشخصية و العاطفية .. بس هو محترف يبص في الخط بتاعك و يعرف عنك يمكن أكتر ما تعرفي عن نفسك .. بس أنا كنت بسأل السؤال ده و متردد أو نص مقتنع .. و كما ترين ، فدوام الحال من المحال
أنا خطى فعلا ابتدا يتغير تماما.....
بكتب على كل أنواع الورق على اختلاف أشكاله....بحب فعل الكتابة...على قد ما بكره عصر المخ اللى بعمله أحيانا عشان أكتب بوستات
بالنسبة لموضوع أم الألوان....فأنا مش عارفة ليه :)))
سلامات كده
Post a Comment