كل سنة و أنتو طيبين و أنا طيب ... العيد خلص بسرعة زي كل الأوقات الحلوة ما بتخلص بسرعة . بس كان في حدثين كنت عايز أتكلم عليهم .
الأولاني إني بعت خروف من اللي أنا كنت مربيهم وبابا اشترى التاني و دبحناه عقيقة عشاني لأني اتدبح عني واحد بس مش اتنين . و عزمت أصحابي على و ليمة بها من أطايب الطعام و المأكولا ت( حتة قصص خيالية ) وكان بابا بيقولي اعزم أقرب 5 ليك بس على ما قدرت أقرر أعزم مين و مين لأ كنت خلاص لأني مش حاسس مثلا أن في عزومة يبقى فلان و فلان راكبين أساسي و حسيت ان مود الإكتئاب جاي في السكة بس قلت بلاش و قررت و عزمت اللي شفت انهم مناسبين و علاقتهم بيا مناسبة و أسعد بكونهم معايا في حاجة زي كده . و الحمد لله الأكل عجبهم جدا و كانوا مبسوطين خالص و ده خلاني سعيييد جدا أنا سعيد سعيد يا هاني . ز
التاني اني كنت في خروجه مع ولاد خالتي و اخواتي و دخلنا السينما فلما حجزت كان لازم اثنين يقعدوا لوحدهم و ماكانتش معضله أنا و ابن خالتي قعدنا لوحدينا و الكراسي اللي جنبنا كانت فاضية حتى هذه اللحظة و بعد مرور بعض الوقت جه 4 بنات قعدوا جنبنا و كان فاصل بيني و بينهم كرسي فاضي . و بعد الفيلم ما اشتغل ب 5 دقايق جه واحد و صاحبه زحزحونا بقيت قاعد جنبهم مباشرة . ز
المهم مش هو ده ، الموضوع أن ولاد خالتي و اختي قعدوا يغمزوني أيوه يا عم و بنت خالتي تقول دا كان قاعد في دنيا تانية . طيب هو ايه اللي حصل يعني ؟؟
أنا عارف ان ولاد خالتي بيمزحوا معايا بس ايه اللي حصل لما هما كانوا جنبي أنا استفدت ايه؟ بل بالعكس دا أنا ماكنتش قاعد براحتي مش عارف أسند عالمسند الشمال أو حتى أحط رجل على رجل كنت مقيد من الناحية الشمال دي تماما .!! ز
ايه بقى اللي بيخلي بعض الشباب يقولوا " دا فلان قاعد جنب بنت يا حظه " ؟؟؟؟ حظ ايه اللي فيها دي ؟؟
طيب انتوا تفسيركوا ايه للموضوع ؟ و كأنه لما قعد جنب واحده خلاص هاتحبه و تدوب في هواه و هتجوزه من بكره ؟!!؟
و أخيرا و ليس آخرا أحب أقولكوا كل سنة و انتوا طيبين و معلش عالتأخير أنا كنت مشغول في الكلية و الأيام اللي جاية هبقى مشغول أكتر بسبب الامتحانات . يلا سلام
الأولاني إني بعت خروف من اللي أنا كنت مربيهم وبابا اشترى التاني و دبحناه عقيقة عشاني لأني اتدبح عني واحد بس مش اتنين . و عزمت أصحابي على و ليمة بها من أطايب الطعام و المأكولا ت( حتة قصص خيالية ) وكان بابا بيقولي اعزم أقرب 5 ليك بس على ما قدرت أقرر أعزم مين و مين لأ كنت خلاص لأني مش حاسس مثلا أن في عزومة يبقى فلان و فلان راكبين أساسي و حسيت ان مود الإكتئاب جاي في السكة بس قلت بلاش و قررت و عزمت اللي شفت انهم مناسبين و علاقتهم بيا مناسبة و أسعد بكونهم معايا في حاجة زي كده . و الحمد لله الأكل عجبهم جدا و كانوا مبسوطين خالص و ده خلاني سعيييد جدا أنا سعيد سعيد يا هاني . ز
التاني اني كنت في خروجه مع ولاد خالتي و اخواتي و دخلنا السينما فلما حجزت كان لازم اثنين يقعدوا لوحدهم و ماكانتش معضله أنا و ابن خالتي قعدنا لوحدينا و الكراسي اللي جنبنا كانت فاضية حتى هذه اللحظة و بعد مرور بعض الوقت جه 4 بنات قعدوا جنبنا و كان فاصل بيني و بينهم كرسي فاضي . و بعد الفيلم ما اشتغل ب 5 دقايق جه واحد و صاحبه زحزحونا بقيت قاعد جنبهم مباشرة . ز
المهم مش هو ده ، الموضوع أن ولاد خالتي و اختي قعدوا يغمزوني أيوه يا عم و بنت خالتي تقول دا كان قاعد في دنيا تانية . طيب هو ايه اللي حصل يعني ؟؟
أنا عارف ان ولاد خالتي بيمزحوا معايا بس ايه اللي حصل لما هما كانوا جنبي أنا استفدت ايه؟ بل بالعكس دا أنا ماكنتش قاعد براحتي مش عارف أسند عالمسند الشمال أو حتى أحط رجل على رجل كنت مقيد من الناحية الشمال دي تماما .!! ز
ايه بقى اللي بيخلي بعض الشباب يقولوا " دا فلان قاعد جنب بنت يا حظه " ؟؟؟؟ حظ ايه اللي فيها دي ؟؟
طيب انتوا تفسيركوا ايه للموضوع ؟ و كأنه لما قعد جنب واحده خلاص هاتحبه و تدوب في هواه و هتجوزه من بكره ؟!!؟
و أخيرا و ليس آخرا أحب أقولكوا كل سنة و انتوا طيبين و معلش عالتأخير أنا كنت مشغول في الكلية و الأيام اللي جاية هبقى مشغول أكتر بسبب الامتحانات . يلا سلام
4 comments:
وانت طيب يا سيادة الفنكوش الأعظم
ويعود علينا وعليك بخير ان شاء الله
بخصوص الخروف والعقيقة الف مبروك وربنا يباركلك في عمرك ان شاء الله
بالنسبة للسينما وولاد خالتك وان هم كانوا بيهزروا معاك ده شيء عام جداً جداً بين كل الناس سواء كانوا قرايب او اصحاب او حتى ناس ميعرفوش بعض خالص وبيتفرجوا وبس لأن الفكرة السائدة للأسف الشديد ان اي شاب بيظبط مع اي بنت وخلاص انشالله يكون لمدة نص ساعة بس ومش هيشوفوا بعض تاني وده طبعاً منتهى الاستخفاف بقيمة البني ادم من الطرفين وقمة الاستهانة بالبنات واخلاقهم والشباب وتصرفاتهم وبصراحة الناس وهيافتهم
مرمر
وحضرتك بخير يابتاع الفنكوش
ربنا يثبتك ويايدك بنصره
حتى البنات دى
للاسف فيه خلل كبير جدا فى المجتمع وديننا الناس تهاونت فيه
وعاداتنا وتقالينا برضه
الله المستعان
مرمر
أهلا بيكي يا مرمر جزاك الله خيرا و بارك لك في عمرك أنت أيضا
هو فعلا استخفاف بالطرف الآخر بشكل كبير لأن هم بيعتبروها مجردة من العقل و التفكير يعني لو كل واحد بص لأي بنت على انها انسان و بني آدم زيها زيه بس فيها حاجات متغيره سواء في المظهر العام أو غيره هيحترمها ومش هيعاملها على انها مجرد متعه من أي نوع .
عاشقة الفردوس
أهلا بيكي مرة تانيه في مدونتي المتواضعة وبعدين ملهاش لازمه حضرتك دي أنا يمكن أكون أصغر منك في السن حضرتك دي بتحسسني أني و صلت 40 مش كده امال
آمين يارب لنا و لكل المسلمين و المسلمات و احنا الغلطانين في التهاون اللي حصل لأننا شفنا غلط و ماصلحناهوش فبقى عادي وغيره و غيره
والله المستعان
Post a Comment